அறை முழுவதும் அமைதி நிரம்பி வழிந்தது.

"க்ரீச்ச்ச்..." என்ற சத்தத்துடன் அவன் உள்ளே நுழைந்தான்.

அறையிலிருந்த அனைவரும் அவன் ஏதோ கொலை குற்றம் செய்தவன் போல தங்கள் கண்களால் அவன் உடம்பை துளைத்து விட்டு மீண்டும் படிக்க தொடங்கினர்...

#library_scenes

செல்லத்தின் செல்லமான பதில்

"அப்பா இந்த கோமதி அக்கா ரொம்ப வேகமா சூப்பரா ஓடுறாங்க இல்ல"

"ஆமாம்மா,
செல்லமே, நீயும் வளர்ந்ததும் இவங்கள மாதிரி ஆவுரியா,
உன்னையும் எல்லாரும் பெருமையா பேசுவாங்க"

"அவங்க ஓடி முடிச்சதும் மூச்சு வாங்கும் இல்லப்பா, அப்போ அவங்களுக்கு யாருப்பா தண்ணி கொடுப்பா ? "

"அதுக்கு வேலைக்கு ஆள் இருக்கும்மா"

"நான் பெருசானதும் அந்த வேலைக்கு போகட்டுமா அப்பா?"

                                                                                                        -அகல்

x

என்ன சொல்ல

யாரிடமும் சொல்லிக் கொள்ளாமல்
தனியாய் சென்ற adult சினிமாவில்
பக்கத்து இருக்கையில்
என் ஆசிரியரை
கண்ட போது
என்ன சொல்ல.....?

மாத கடைசி, பணம் இல்லாத நேரம்
காதலியின் பிறந்தநாள்,
ஓசி தம் ஒன்றை பரிசளித்து,
"இத்தோடு இப்பழக்கத்தை
விட்டு விடுகிறேன்"
என்று சத்தியம் செய்தேன்.
அவள் முகம் மலர்ந்தாள், "உண்மையா" என்றாள்
என்ன சொல்ல....?

எப்போதும் செய்யும் தவறுகளை
எண்ணிக் கொண்டு
நான் மூடன் என்பதை உணர்ந்த பின்பும்,
"நீ மட்டுமே முட்டாள்" என்று சில
அறிவி ஜீவிகளின் புலம்பல்களை
கேட்ட பின்
என்ன சொல்ல......?

இரவு 11ஐ கடந்த யாருமில்லா சாலை,
புகைத்துக் கொண்டே
காலார நடை பயணம்,
எதிரில்,
யாரோ முடிவு செய்த அழகை தனக்குள்
கொண்டு வர செய்த மேக்-அப் உடன் ஒருத்தி
"இன்னைக்கு நைட் என் கூட இருங்க,
கையில இருக்கிறத கொடுங்க,
நாளைக்குள்ள என் மகளுக்கு ஃபீஸ் கட்டணும்" என்றாள்,
வந்த விலைமகளிடம் என்ன சொல்ல......?

                                         -அகல்