அன்பின் மலர்

எப்போதும் பார்த்து சிரிக்கும்

லிப்ட் ஆப்பரேட்டர் தான்

இன்று ஏனோ என்னால் முடியவில்லை... 

முகத்தை இறுக்கமாக வைத்துக் கொண்டேன்! 

மேனேஜரிடம்

வாங்கிய வசையை

யார் மீதும் செலுத்தும்

வேகம் இருந்தது...

என் இரையாக

அந்த ஆப்பரேட்டர் அண்ணாவும்

மாறக்கூடும்...

இது எதுவுமே தெரியாத

அந்த அண்ணா

எப்போதும் போல கேட்கிறார்

"சாப்டீங்களா தம்பி" என்று! 

எந்த காரணமும் இன்றி

அழ வைக்கவும்

எந்த காரணமும் இன்றி

அணைத்துக் கொள்ளவும்

பூக்கள் நீட்டவும்

யாரோ ஒருவர்

இருந்து கொண்டே இருக்கிறார்கள்... 

                             ~மகி