பாக்கியசாலிகள்

அவர்கள் பாக்கியசாலிகள்!
பல மாதங்களாக
மழையை காணாமல்
எங்காவது மழை பெய்தால்
"அடேயப்பா அவ்வளவு மழை பேஞ்சுதா?"
என்று நாங்கள்
அங்கலாய்த்து கொண்டிருக்கையில்
மழையில் நனையும்
அவர்கள் பாக்கியசாலிகள்!
பைப்பை திறந்தவுடன்
தண்ணீர் வருவதை பார்க்கும்
அவர்கள் பாக்கியசாலிகள்!
நாங்கள் மழை வேண்டி
காத்திருக்கும் போது
World Cup மேட்ச்சில்
மழை வரக்கூடாது என்று வேண்டும்
அவர்கள் உண்மையில் பாக்கியசாலிகளே!
                   
                                        இப்படிக்கு
                                        துரதிஷ்டசாலி

"டேய் ஒழுங்கா நில்லுங்கடா இந்த அக்கா நம்மல டிவி பொட்டிக்குள்ள புடிச்சு போடுவாங்க"

"டிவி பொட்டி குள்ளையா?" 

"ஆமா"

"டிவி பொட்டிக்குள்ள போனதும் நீ என்னவாடா ஆவ"

"நா அங்க போய் பசுமாடு மேய்ச்சி பால் காபி குடிப்பேன்டா".......

இடையில் ஒரு உன்னத குரல்

"சிரிங்க பசங்களா"

-அகல்