இருவர்

ஒரு நாள் வேண்டும்!

இன்னும் ஒரே ஒரு நாள் வேண்டும்!

இந்த ஒரு நாள் போதுமா?

என்றால் நிச்சயம் போதாது!

இருந்தும் கேட்கிறேன்

இன்னும் ஒரு நாள் வேண்டும்!

கடைசியாக ஒரு கடிதம் எழுத,

அன்பு முத்தங்கள் தர,

செய்த தவறுகளுக்கு

மன்னிப்பு கேட்க

இன்னும் ஒரு நாள் வேண்டும்!

நாம் ஒரு சேர களித்த

அந்த நாட்களை மீண்டும் வாசிக்க

இன்னும் ஒரு நாள் வேண்டும்!

எங்கோ அருகில் தான்

பிரிந்து போகிறாய்

கடக்க முடியாத இந்த தூரத்தை

கடக்க முயன்று கண்ணீருடன் நிற்கிறேன்!

அதை துடைப்பதற்கு

நான் கேட்பதெல்லாம்

இன்னும் ஒரே ஒரு நாள் தான்!

                                             -மகி