எனைக் காதல் செய்...
எனைக் காதல் செய்...
நரை விஞ்சிய பின்னும்
தலையை கோதும்
காதலன் வேண்டுமெனில்
எனைக் காதல் செய்...
காமம் தணிந்த பின்
காதுமடல் முத்தம் இடும்
காதலன் வேண்டுமெனில்
எனைக் காதல் செய்...
நாம் கருதரித்து உள்ளோம்
எனக் கூறும் காதலன் வேண்டுமெனில்
எனைக் காதல் செய்...
உன் ஏற்றப் பாதையில்
தடையாய் நில்லாது
படியாய் நிற்கும்
காதலன் வேண்டுமெனில்
எனைக் காதல் செய்...
உத்தரவிடவில்லை
விண்ணப்பமும் இல்லை
என்னை உன் முன் வைக்கிறேன்
முடிவை நீயே சொல்!
-எழில்
Comments
Post a Comment