அதன் நிமித்தமும்!

தீண்டத் தீண்ட சுடும் விரல்

தேகம் எங்கும் அவள் நிழல்

காதல் மொழியில் 

காற்றில் கலக்கும்

அவள் குரல்...

இமைகள் நான்கும் 

தாளம் போட

இதழ்கள் மூடி 

இசையைத் தேட

மௌனப் பெருமூச்சு

பேரிசையானது...

இச்சைப் பெருங்கடல்

மோகப் பேரலை 

கரை சேர விரும்பவில்லை

மூழ்கித் தவித்தோம் 

திளைத்தோம்...

                           -எழில்

புவியினை சூரியன் கட்டித்தழுவ விரும்பும்

அன்பின் புத்தகம்!

மரணத்தின் புத்தகம்!

இரண்டையும் ஒரு சேர

வாங்கும் போது

புத்தகக் கடைக்காரர் கேட்டார்

காதலையும் மரணத்தையும்

ஏன் சம்பந்தப்படுத்துகிறாய் என்று!

எனக்கு வாய்க்காததைத் தான் 

நான் வாங்க ஆசைப்படுவேன்

அல்லவா!

                          -மகி

கடந்து போதல்

கடந்து போவதைப் பற்றி

என் நண்பர்கள் எனக்குப்

பாடம் எடுப்பது வழக்கம்!

அவளும் தான்!

இன்று ஒரு அடி முன்னேறி

என்னைப் பார்த்தும் பார்க்காதது போல

கடந்து செல்கிறாள்!

நான் யாரோ போல!

நானாவது போய் பேசியிருக்கலாமே

என்று என்னைக் கேட்காதீர்கள்!

நான் யாரோ போல

கடந்து சென்ற அவள்

நான் யார் என்று கேட்டுவிட்டால்

நான் நானாக இருப்பேனா?

நான் தான் இருப்பேனா?

                                     -மகி