ஜியோமெட்ரிக் பாக்ஸ்!
கணக்கு டீச்சரிடம்
பல முறை திட்டு வாங்கியும்,
பக்கத்து க்ளாஸ் நண்பர்கள்
கடன் தர மறுத்ததாலும்
அடம் பிடித்து வாங்கிய
ஜியோமெட்ரிக் பாக்ஸ்!
டிவைடர், காம்பஸ், ப்ரோட்டக்டர்
இன்னும் சில பிளாஸ்டிக் பொருட்கள்...
இன்று வரை அதன் பெயர் கூட
தெரியாது எனக்கு!
இவர்களுடன் வாடகை தராத
வீட்டுக்காரர்களாய்
வெட்டுக்கிளியும்,
சிலந்தி பூச்சியும்!
மேடு பள்ளம் பார்க்காமல்
கரடுமுரடான மர பெஞ்சில்
எங்களை பஸ் டிரைவராக
மாற்றியதும் இந்த
ஜியோமெட்ரிக் பாக்ஸ் தான்!
இன்று துரு பிடித்து கிடைக்கும்
அந்த ஜியோமெட்ரிக் பாக்ஸின் கதைகளை
ஆன்லைனில் படிக்கும்
என் மகனுக்கு
எப்படி சொல்வேன்?
-மகி
No comments:
Post a Comment